TerraLume

Terralume é un espazo no que se ama a cerámica, un obradoiro que funciona dende 1990 compaxinando o labor artístico co docente.

Mais tamén é moito máis.Cunha clara vocación divulgativa, en Terralume ten cabida todo o coñecemento que vira derredor da cerámica, dende os aspectos científicos aos artísticos e mesmo os lúdicos. É un espazo para compartir, para pescudar, para crear, para medrar no coñecemento... Alumnado, compañeiros, clientes, siereiros, amigas e amigos..., toda canta xente nos cruzamos algunha vez neste lugar, todas e todos somos Terralume. Todas as vivencias profesionais e humanas que compartimos forman parte do patrimonio de Terralume, da súa razón de ser.

Terralume figura inscrito no Rexistro de Obradoiros Artesáns da Xunta de Galicia co número 57 e está dirixido por Susana González Amado, Técnico Superior en Cerámica Artística, con carta de artesá nº 215.

Con 20 anos de historia, e após unha longa reforma de ampliación, en 2011 iniciamos unha nova etapa, mais co mesmo espírito de busca. Desexamos que as exposicións temporais e mais as actividades que desenvolvamos, contribúan a difundir a paixón que compartimos:
a cerámica.

Benvidas e benvidos ao mundo de Terralume!